தித்திக்கும் தியாகத்திருநாள்
நம்மை கதரவைக்கும்
ஒரு கண்ணியமான பெருநாள்
சோகம் நிறைந்த மனதோடு
சுபஹ் அதானிலே விழித்தேலுகின்றோம்
மயான அமைதியிலே
பெருநாள் தொழுகைக்கு புறப்படுகின்றோம்
மங்களகரமான பழைய நினைவுகளை
மனதிலே சுமந்தவாறு
தித்திக்கும் நாள் நாளை என்றால்
துள்ளிக்குதித்து பம்பரமாய் ஓடித்திரிந்து
புத்தாடை உட்பட
பலகாரம் முருக்கு தொதல் என அப்பப்பா
அழகான ஆயத்தங்கள்
தாய் நாட்டில் இருக்கும் வரை
இங்கு திருநாள் என்றாலே
அது ஒரு தொடர் விடுமுறை
என்பதில் மட்டுமே மகிழ்ச்சி
பெருநாள் தொழுகை ஒன்றே இங்கு
பெருநாள் என்பதை நினைவூட்டும்
எஞ்சிய நேரங்களோ தாய்மண்ணின்
நிகழ்ச்சி நிரல்களை மனதிலே
நிழலாட செய்யும்
பெருநாள் தொழுகை முடிந்து
களைகட்டும் வீட்டுத்தெருக்களும்
சிறுசுகளின் பெருநாள் பணச்சண்டைகளும்
உறவுகளின் சந்திப்புக்களும்
நம்மை விட்டு பிரிந்த உறவுகளின்
கபுரடி தரிசனங்களும்
மனக்கன்முன்னே வந்து
விழிகளை குளமக்கிச்செல்லும்
வீட்டிலே உறவுகள் புடைசூழ
பிஞ்சுகள் மடியிலே புரண்டுவர
உண்ணும் பெருநாள் உணவை நினைக்கையிலே
இங்கு கடை புரியாணி மஞ்சளாய் தெரிகிறது
ஆனால் சுவைக்க மறுக்கிறது
இருந்தும் இறைவன் நாட்டப்படி
அடுத்த பெருநாளிலாவது
உறவுகளோடு ஒன்றுகூடி
உரிமையோடு கொண்டாடும்
உறுதியோடு கழிகிறது இப்பெருநாள்
மீண்டும் ஒருபெருநாள் நெருங்கும் வரை
நிசாம் பாரூக்
